ایک نیوز:سربراہ بی این پی سردار اختر مینگل نے مستونگ میں مطالبات کے حق میں جاری دھرنا ختم کرنے کا اعلان کردیا۔
بی این پی کے سربراہ اختر مینگل نے تقریباً 3ہفتےدھرنا جاری رکھا،مستونگ میں میڈیا سے گفتگو میں سردار اختر مینگل نے دھرنا ختم کرنے کا اعلان کیا اور کہا کہ دھرناختم کررہے ہیں مگر احتجاج جاری رہے گا۔
سرداراخترمینگل کا کہنا تھا کہ ایک واقعہ جس سے پورا بلوچستان متاثر ہوا، حکومت کی جانب سے تمام راستے بند کرنا، کیا عوامی حکومت ہے؟ ہمارے پاس وفود آئے، 28مارچ کو لکپاس بند کیا، دونوں اطراف سے لوگوں کو روکا، تمام اداروں نے راستوں پررکاوٹیں کھڑی کیں۔
 اخترمینگل کا کہنا تھا کہ تمام معتبرین کا شکریہ جنہوں نے ہمارے ساتھ دھرنے میں شرکت کی اور تعاون کیا، عوام کی جم غفیر نے دھرنے میں شرکت کی، حکومت ہمیں احتجاج کیلئے اجازت نہیں دینگے ہمارا احتجاج دوسری شکل میں ہوگا۔
خیال رہے کہ بلوچستان نیشنل پارٹی مینگل نے ڈاکٹر ماہ رنگ بلوچ اور بلوچ یکجہتی کمیٹی کی دیگر خواتین کارکنوں کی گرفتاری کے خلاف تین ہفتوں سے احتجاجی دھرنا دیا ہوا تھا۔